बागलुङमा ८६ किलो गाँजासहित वडा अध्यक्ष पक्राउ
प्रकाशित मिति : 26 June, 2020 12:37 pm
बागलुङ, १२ असार ।
बागलुङमा वडा अध्यक्ष ८६ किलो गाँजासहित पक्राउ परेका छन् ।
निसीखोला गाउँपालिका–६ का वडाध्यक्ष सूर्यबहादुर घर्ती ८६ किलो गाँजासहित पक्राउ गरिएको प्रहरीले जनाएको छ । वडाध्यक्ष घर्तीलाई गाँजासहित घरबाटै पक्राउ गरिएको जिल्ला प्रहरी कार्यालयका सूचना अधिकारी प्रहरी नायब उपरीक्षक राजेन्द्र रेग्मीले जानकारी दिए ।
इलाका प्रहरी कार्यालय बुर्तिवाङका प्रहरी निरीक्षक प्रकाश सिंह भण्डारीको नेतृत्वमा गएको प्रहरीको टोलीले वडाध्यक्ष घर्तीलाई गाँजासहित पक्राउ गरेको थियो । घर्ती नेपाली कांग्रेसबाट निर्वाचित वडा अध्यक्ष हुन् ।
