बजेट अधिवेशन आजै अन्त्य गर्ने सरकारको निर्णय
प्रकाशित मिति : 2 July, 2020 1:12 pm
काठमाडौं,१८ असार ।
सरकारले वर्षे अधिवेशन आजै अन्त्य गर्ने निर्णय गरेको छ ।
प्रधानमन्त्री निवास बालुवाटारमा बसेको मन्त्रीपरिषद् बैठकले वर्षे अधिवेशन आजै अपरान्ह ५ बजेबाट समापन गर्नका लागि राष्ट्रपतिलाई सिफारिस गर्ने निर्णय गरेको प्रधानमन्त्रीका प्रेस सल्लाहकार सूर्य थापाले जानकारी गराएका छन् ।
कोरोनाभाइरसको संक्रमण र संसदको बिजनेस सकिएकाले संसद अधिवेशन अन्त्य गर्न सिफारिस गर्ने निर्णय भएको सरकारको भनाई छ ।
बजेट अधिवेशन अन्त्य गर्नुअघि प्रधानमन्त्री केपी शर्मा ओलीले राष्ट्रपति विद्यादेवी भण्डारीसँग छलफल गरेका थिए ।
