२४ घण्टामा थपिए २०४ कोरोना संक्रमित
प्रकाशित मिति : 7 July, 2020 4:34 pm
काठमाडौं, २३ असार ।
पछिल्लो २४ घण्टामा थप २ सय ४ जनामा कोरोना संक्रमण पुष्टि भएको छ ।
स्वास्थ्य मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले देशभरका विभिन्न प्रयोगशालामा गरिएको परीक्षणमा थप २ सय ४ जनामा कोरोना पुष्टि भएको जानकारी दिएका हुन् ।
योसँगै नेपालमा कोरोना संक्रमितको संख्या १६ हजार नाघेको छ । पछिल्लो २४ घण्टामा थपिएका २ सय ४ जना संक्रमितसँगै देशभर १६ हजार १ सय ६१ जनामा कोरोना संक्रमण पुष्टि भएको जानकारी दिएका छन् ।
