चिनियाँ दुतावास अगाडि नेविसंघको प्रदर्शन
प्रकाशित मिति : 7 July, 2020 5:54 pm
काठमाडौं, २३ असार ।
कूटनीतिक मर्यादाविपरीत चिनियाँ राजदूत होउ यान्छीले नेकपाका नेताहरुसँग भेटवार्ता गरेको भन्दै नेविसंघका कार्यकर्ताहरुले मंगलबार दिऊसो चिनियाँ दूतावास अगाडि मौन प्रदर्शन गरेका छन् ।
देशको आन्तरिक मामिलामा हस्तक्षेप कदापि स्वीकार्य नहुने भन्दै उनीहरूले “गो ब्याक चाईना” र राजदूत यान्छीको तस्बिर प्ले कार्डसहित मौन रूपना प्रदर्शन गरेका थिए ।
राजदूत यान्छीले नेकपाभित्र रहेको विवादकै बेला नेकपाका नेता भेट्न गए पश्चात त्यसको बिरोधमा प्रदर्शनमा उत्रिएको नेवि संघकी नेतृ एलिजा ढकालले लुम्बिनी संचारलाई बताईन् ।
यान्छीले नेकपाका वरिष्ठ नेता माधवकुमार नेपाल र झलनाथ खनालसँग निवासमै पुगेर भेट गरेकी थिइन् ।खनाल र राजदूत होउबीच करिब ४५ मिनेट कुराकानी भएको थियो ।
