भारतीय गुप्तचर प्रमुखहरु नेपालमा,विभिन्न तहका नेतासँग छलफल गरिरहेको भारतीय मिडियाको दाबी
काठमाडौं, २५ असार।
नेपालमा सत्तारुढ नेपाल कम्युनिष्ट पार्टी(नेकपा) भित्रको संकट गहिरिएका बेला भारतीय खुफिया एजेन्सीका प्रमुखहरु काठमाडौंमा कृयाशील रहेको भारतीय मिडियाले दाबी गरेका छन् ।
भारतको पत्रिका ‘द पायोनियर’ले नेपालका प्रधानमन्त्री केपी के.पी.शर्मा ओलीको भविष्य निर्धारण गर्न सत्तारुढ नेपाल कम्युनिष्ट पार्टीको शक्तिशाली स्थायी समितिको महत्वपूर्ण बैठक अगाडि सुरक्षा र खुफिया एजेन्सीका वरिष्ठ अधिकारीहरू काठमाडौंमा डेरा जमाएर बसेको समाचार लेखेको छ ।
‘र’ का प्रमुख सामन्त कुमार गोयल, र इन्टेलिजेन्स ब्यूरोका प्रमुख अरविन्द कुमारसहितका अधिकारीहरु राजनीतिक दलका नेताहरुसँग भेटघाटमा व्यवस्थ रहेको ‘द पायोनियर’को अनलाईन संस्करण डेलीपायेनियर डट.कम.ले समाचारमा उल्लेख छ ।
समाचारमा भनिएको छ,‘ नेपालका नेतासँग गोयल र कुमारले नेपालको मानचित्रमा लिपुलेख, कालापानी तथा लिम्यिाधुरा क्षेत्र समावेश गरेपछिको टकराव र त्यसले निम्त्याउने क्षतिको नियन्त्रण अभ्यास गरिरहेका छन् ।’
सुत्रलाई उदृढ गर्दै पायोनियरले खुफिया एजेन्सीका प्रमुखहरुले गरेको कुराकानीको निगरानी सीधै राष्ट्रीय सुरक्षा सलाहकार अजीत डोभालले गरिरहेको उल्लेख गरेको छ ।
समाचारमा उल्लेख भए अनुसार अहिलेसम्म खुफिया एजेन्सीका प्रमुखहरुले हालसम्म नेपाल कम्युनिष्ट पार्टीका अध्यक्ष पुष्पकमल दाहाल प्रचण्ड, माधव कुमार नेपाल, झलनाथ खनाल, नारायणकाजी श्रेष्ठ र रामबहादुर थापा‘बादल’सँग वार्ता गरिसकेका छन् । उनीहरुले स्थायी कमिटी सदस्य वर्षमान पुन, प्रदेश ५ का मुख्यमन्त्री शंकर पोख्रेल, प्रधानमन्त्रीका परराष्ट्र सल्लाहकार डा. राजन भट्टराईसँग कुराकानी भईसकेको समाचारमा जनाईएको छ ।
नेपाली कांग्रेसका अध्यक्ष शेरबहादुर देउवा र नेताहरु डा. मिनेन्द्र रिजाल, विमलेन्द्र निधि र कृष्ण सिटौलाले पनि भारतीय खुफया एजेन्सीका शीर्ष अधिकारीसँग सम्पर्क गरेका समाचारमा उल्लेख छ ।
जनता समाजवादी पार्टीका महन्त ठाकुर, उपेन्द्र यादव र डा. बाबुराम भट्टराई पनि कुराकानी भएको समाचारमा छ ।
काठमाडौंका लागि चिनियाँ राजदूत होउ यान्छीका साथी चीनका खुफिया एजेन्सीका युरोप क्षेत्रका पूर्व गुप्तचर प्रमुखले प्रचण्ड, नेपाल र खनाललगायत धेरै नेताहरूसँग भेट गरेको पायोनियरको दाबी छ ।
