नेपाली बजारमा सुनको मूल्य चर्कदो, प्रतितोला १,०२,५०० पुग्यो
प्रकाशित मिति : 6 August, 2020 2:04 pm
काठमाडौं, २२ साउन ।
नेपाली बजारमा सुनको मूल्य आज मात्रै ११०० रुपैयाँले बढेको छ । कोभिड–१९ को महामारीका कारण अन्तरराष्ट्रिय बजारमा अस्थिर रहेको सुनचाँदीको मूल्य स्थानीय बजारमा उकालो चढ्नेक्रम जारी छ ।
बुधबार प्रतितोला १ लाख १ हजार ४ सय रुपैयाँमा कारोवार भएको सुन आज बढेर १ लाख २ हजार ५ सय रुपैयाँ कायम भएको छ । तेजाबी सुनको मूल्य १ लाख २ हजार २ सय कायम भएको छ ।
नेपाल सुनचाँदी व्यवसायी महासङ्घका अनुसार बुधबारको तुलनामा आज चाँदीको मूल्य ५० रुपैयाँले बढेको छ । चाँदी १ एक हजार ३ सय ४५ रुपैयाँमा कारोबार भइरहेको छ ।
