काठमाडौं उपत्यकामा अहिलेसम्मकै धेरै कोरोना संक्रमित भेटिए,८७ जनामा संक्रमणको पुष्टि
प्रकाशित मिति : 6 August, 2020 5:23 pm
काठमाडौं,२२ साउन ।
काठमाडौं उपत्यकामा अहिलेसम्मकै धेरै कोरोना संक्रमित भेटिएका छन् ।
स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता जागेश्वर गौतमले काठमाडौंका तीन जिल्लामा ८७ जना कोरोना संक्रमित भेटिएको जानकारी दिए ।
यसअघि दुई दिन लगातार ६२/६२ जना संक्रमित भेटिएका थिए । पछिल्लो समय उपत्यकामा लागातार कोरोना संक्रमितको संख्या थपिदै गएको छ ।
प्रवक्ता गौतमले काठमाडौं जिल्लामा ७६ जना, ललिपुरमा १० जना र भक्तपुरमा १ जनामा कोरोना संक्रमण पुष्टि भएको जानकारी दिए । देशभर ३ सय ६० संक्रमित थपिदा उपत्यकामा ८७ जना संक्रमित थपिएका छन् ।
