प्रधानमन्त्रीका सल्लाहकार रिमालको प्रवक्ता श्रेष्ठमाथी निशाना : पदको लाज त जोगाउनुस् !
काठमाडौं, २३ साउन ।
प्रधानमन्त्री केपी शर्मा ओलीका मुख्य सल्लाहकार विष्णु रिमालले सत्तारुढ नेपाल कम्युनिस्ट पार्टी (नेकपा)का प्रवक्ता नारायणकाजी श्रेष्ठलाई ‘पदको लाज’ जोगाउन आग्रह गरेका छन् ।
पार्टीभित्र अन्तरिक संघर्ष चर्किरहेका बेला सल्लाहकार रिमालले प्रवक्ता श्रेष्ठमाथी टिप्पणी गरेका हुन् । नेकपा स्थायी कमिटी सदस्यसमेत रहेका रिमालले ‘इनफ इज इनफ’ भन्दै प्रवक्ता श्रेष्ठलाई मेन्सन गरेरै ट्वीट गरेका छन्, “कमसेकम पार्टी प्रवक्ता पदको लाज त जोगाउनुस् र विधि र पद्धतिको नक्कली गीत गाउँदै नेताहरुलाई गुटबन्दीको आगोमा पोल्ने उत्तोलक नबन्नुहोस् ।”
रिमालले पार्टी एकता बिरुद्धका कुनैपनि गतिबिधि कतैबाटपनि नहोस् भनेका छन् । उनले भनेका छन्, “पार्टी एकता विरुद्ध कुनैपनि गतिबिधि नहोस् मुलुक संवेदनशील मोडमा छ महसूस होस ।”
अध्यक्ष पुष्पकमल दाहाल प्रचण्ड र बरिष्ठ नेता माधवकुमार नेपाल पक्षले पार्टी भित्रका आफू निकट पत्रकारसँग छलफल गरेपछि सल्लाहकार रिमालको यो टिप्पणी आएको हो ।
सम्बन्धित समाचार:
प्रधानमन्त्रीका प्रेस सल्लाहकार थापाको टिप्पणी,’पार्टी विभाजनको खुल्लमखुला हाँक र रिहर्सल भयो’
