प्रदेश नं ५ प्रदेशसभाको बैठक अनिश्चितकालका लागि स्थगित
प्रकाशित मिति : 13 August, 2020 7:32 pm
काठमाडौं, २९ साउन ।
प्रदेश नं ५ प्रदेशसभाको बैठक अनिश्चितकालसम्मका लागि स्थगन भएको छ ।
समुदायस्तरमा कोरोना भाइरसको सङ्क्रमण फैलिँदै गएपछि आज बोलाइएको बैठक स्थगन गरिएको प्रदेशसभा सचिवालयले जनाएको छ ।
बैठक अर्को सूचना नभएसम्मका लागि स्थगित गरिएको प्रदेशसभाका सचिव दुर्लभकुमार पुन मगरले जानकारी दिए । यसअघि प्रदेशसभाको २४ औँ बैठक यही साउन १८ गते बसेको थियो ।
