कालिकोटको महाबैमा पहिरोले घर पुरियो,वडा सदस्यका ४ छोराछोरीसहित ६ जनाको मृत्यु
प्रकाशित मिति : 14 August, 2020 9:43 am
काठमाडौं, ३० साउन ।
कालिकोटको महाबै गाउँपालिका वडा नम्बर ३ नकुमा पहिरोले घर भत्काउँदा ६ जनाको मृत्यु भएको छ ।
गएराति झरेको पहिरोले वडा सदस्य रजबहादुर विष्टको घर पुरिँदा उनका दुई छोरा, दुई छोरी र उनका दाजु डिल बहादुर विष्टका दुई छोरी गरी ६ जनाको मृत्यु भएको जिल्ला प्रहरी कार्यालय कालिकोटले जनाएको छ ।
सुतिरहेका उनीहरु घरमा पुरिएका थिए । वडा सदस्य विष्ट आफ्नो पत्नीसहित तल्लो तल्लामा सुतेका थिए । दम्पती बने सकुशल छन् ।
मृतक ६ जना बालबालिकाको शव बाहिर निकालिसकिएको प्रहरीले जनाएको छ ।
