अछामको रामारोशन गाउँपालिकामा वस्तीमा बाढी पस्दा ६ जनाको मृत्यु,१५ जना बेपत्ता
प्रकाशित मिति : 19 August, 2020 10:15 am
अछाम, ३ भदौ ।
अछामको रामारोशन गाउँपालिकाका कैलाशखोलाको बाढी वस्तीमा पस्दा वेपत्ता भएका मध्ये ६ जनाको शव भेटिएको छ।
गएराति परेको अबिरल बर्षापछि आएको बाढि रामारोशन गाउँपालिका वडा नम्बर ५ सैनिबजारमा पस्दा बपत्ता भएका मध्ये ६ जनाको शव भेटिएको हो ।
४ जनाको शव बान्नीगढी जयगढ गाउँपालिका वडा नम्बर ६ दर्नामा पर्ने कोसेडा क्षेत्रमा भेटिएको प्रहरीले जनाएको छ । २ जनाको शव मंगलसेन नगरपालिका वडा नम्बर ३ मा पर्ने लमतणा र सेरीमा भेटिएको छ ।
बेपत्ता १५ जनाको खोजी कार्य जारी रहेको र थप जनशक्ति पठाउने तयारी भइरहेको अछामका प्रमुख जिल्ला अधिकारी गोकर्ण प्रसाद उपाध्यायले बताएका छन् ।
