रोल्पाको जुगारमा एक घरमा आगलागी
प्रकाशित मिति : 19 August, 2020 3:08 pm
रोल्पा, ३ भदौ ।
रोल्पाको त्रिबेणी गाउँपालिका- ५जुगार जिउलामा एक घरमा आगलागी भएको छ ।
बालबालिकाहरुले घरको पालिमा झिम्रि पोल्ने क्रममा जङग बहादुर बिकको घरमा आज आगलागी भएको हो । आगोले घर पूर्ण रुपमा जलेको छ ।
मानवीय र पशुचौपायामा क्षति नभएपनि खाद्यान्न र लत्ताकपडा सबै जलेर नष्ट भएको त्रिबेणी गाउँपालिकाका अध्यक्ष शान्तकुमार वालीले जानकारी दिए ।
आगलागीबाट झन्डै १ लाख रुपैयाँ बराबरको क्षति भएको प्रारम्भिक अनुमान छ । आगलागी नियन्त्रणका लागि त्रिवेणी गाउँपालिकाका अध्यक्ष, शान्त कुमार वली उपाध्यक्ष ,साबित्रा बुढा मगर, लागायतको सकृयतामा आगलागी नियन्त्रणमा आएको थियो ।
