पाल्पामा करेन्ट लागेर एक जनाको मृत्यु
प्रकाशित मिति : 21 August, 2020 10:52 am
पाल्पा, ५ भदौ ।
पाल्पाको रैनादेवी छहरा गाउँपालिका–६ जुठापौवामा करेन्ट लागेर एक जनाको मृत्यु भएको छ ।
जिल्लाको जुठापौवा खुनधाराकी २७ वर्षीया दिलकुमारी रास्कोटीको मृत्यु भएको गाउँपालिका उपाध्यक्ष चेतना गाहाले जानकारी दिईन् ।
उपचारका क्रममा तानसेनस्थित युनाइटेड मिसन अस्पतालमा उनको मृत्यु भएको हो । गएराति हावा हुरीका कारण विद्युत् सर्ट हुँदा थप एक जना घाइते भएको गाउँपालिका उपाध्यक्ष गाहाले बबताइन् ।
घाइते झमानसिंह पुनको मिसन अस्पतालमा उपचार भइरहेको छ । विद्युत् सर्ट हुँदा नेपाने र पटुवाचौर, खुनधाराका विद्युत् मिटरबक्समा समेत क्षति पुगेको छ ।
