बालबालिकाका लागि मास्क लगाउन नयाँ नियम
काठमाडौं, ७ भदौ ।
विश्व स्वास्थ्य संगठन(डब्लुएचसो)ले कोरोना भाइरस महामारीका लागि १२ वर्षभन्दा बढी उमेरका बच्चाका लागि मास्क लगाउने विषयमा नयाँ नियम जारी गरेको छ ।
डब्लएचओले जुन जुन देशमा वयस्कका लागि मास्कसम्बन्धि नियम लागू गरिएको छ उक्त नियम १२ वर्षभन्दा माथीका उमेरका बच्चामाथी पनि लागू हुने बताएको बीबीसीले जनाएको छ ।
डब्लुएचओले बच्चामा भाइरस कति फैलन्छ यो स्पष्ट भइनसकेपनि किशोर उमेरका बच्चामा वयस्क सरह कोरोना भाइरस फैलने बताएको छ । डब्लुएचओले ५ वर्षभन्दा मुनीका बच्चाका लागि मास्क नलगाउन भनेको छ ।
त्यस्तै ६ देखि ११ बर्ष उमेर बालबालिकाका लागि मास्क लगाउन र मास्क लगाउन सहयोग गरेर परस्थिति अनुसार सहयोग गर्न आग्रह गरेको छ । त्यस्तै ६० वर्षभन्दा कम उमेरकाकाले कपडाको मास्क लगाएपनि हुने र ६० वर्षभन्दा बढी उमेरका व्यक्तिले मेडिकल मास्क लगाउन सुझाव दिएको छ ।
