दाङ बंगलाचुली गाउँपालिकामा समुदायस्तरमा शिक्षक परिचालन गरेर पठनपाठन गरिने
दाङ, ८ भदौ ।
दाङको बंगलाचुली गाउँपालिकाले समुदायस्तरमा शिक्षकहरु परिचालन गरेर बालबालिकालाई पढाउने भएको छ ।
बंगलाचुली गाउँपालिकाका ८ वटै वडाका सामुदायिक विद्यालयका शिक्षकहरुलाई समुदायमा पुगेर पठनपाठन गराउन निर्देशन जारी गरेको हो ।
लामो समयसम्म लकडाउन भएको र विद्यार्थिहरु शिक्षा आर्जन गर्नबाट वन्चित हुनु परेको भन्दै मंगलबारदेखि सबै वडाहरुका पायक पर्ने स्थानमा पुगेर शिक्षेकहरुले पढाउन सुरु गर्ने गाउँपालिकाले जनाएको छ ।
पठानपाठनका लागि विद्यालयका प्रधानाध्यापकहरुले तयारी थालेका छन् । बंगलाचुली गाउँपालिकाभरीका समुदायिक विद्यालयका शिक्षकहरु गाउँ(गाउँमा पुगेर विद्यार्थीहरुलार्ई शिक्षा प्रदान गर्ने बंगलाचुली गाउँपालिका अध्यक्ष भक्त बहादुर वलीले जानकारी दिए ।
अध्यक्ष वलीका अनुसार सुरक्षाका उपाय अपनाउँदै विद्यार्थीहरुलाई पाएक पर्ने स्थानमा शिक्षकहरुले बालबालिकाहरुलाई पढाउनेछन् ।
