कोरोना संक्रमित थप १२ जनाको मृत्यु
प्रकाशित मिति : 2 September, 2020 4:42 pm
काठमाडौं,१७ भदौ ।
कोरोना संक्रमित थप १२ जनाको मृत्यु भएको छ ।
स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता जागेश्वर गौतमले ६ पुरुष र ६ महिलासहित १२ जनाको मृत्यु भएको जानकारी दिए ।
मृत्यु हुनेमा चितवनमा ३, काठमाडौंमा ३,ललितपुरमा १, भक्तपुरमा १,कपिलवस्तुमा १,बारामा १,तनहुँमा १, धादिङमा १ जना रहेका छन् । यससँगै कोरोना संक्रमित मृतकको संख्या २५१ पुगेको छ । यो कुल संक्रमित संख्याका ०.६ प्रतिशत हो ।
