रुपन्देहीमा घुस लिएको आरोपमा वडाध्यक्ष पक्राउ
प्रकाशित मिति : 3 September, 2020 7:47 pm
रुपन्देही ,१८ भदौ ।
सेवाग्राहीसँग घुस लिएको अभियोगमा रुपन्देहीको रोहिणी गाउँपालिका –२ का वडाध्यक्ष सरोजकुमार पाण्डेलाई अख्तियार दुरुपयोग अनुसन्धान आयोगले पक्राउ गरेको छ ।
सहकारीबाट अनुदानका लागि सहजीकरण गरिदिए वापत सेवाग्राहीसँग ४५ हजार रुपैयाँ घुस मागेको र २० हजार रुपैयाँ लिइसकेको प्रमाणका आधारमा वडाध्यक्ष पाण्डेलाई नियन्त्रणमा लिइएको आयोग बुटवल कार्यालयका सूचना अधिकारी सुरेश भुसालले जानकारी गराएका छन् ।
अख्तियारले पाण्डेलाई वडा कार्यालय परिसरबाटै नियन्त्रणमा लिएर थप अनुसन्धान थालिएको बताएको छ ।
