अल्का अस्पतालकी कर्मचारीकाे शव लेलेकाे जंगलमा भेटियो

ललितपुर, २० भदौ।

ललितपुरकाे अल्का अस्पतालमा कार्यरत एक महिला मृत अवस्थामा फेला परेकी छन् ।३९ बर्षिय गीता केसीकाे शव शुक्रबार बेलुका लतिपुरकाे गाेदावरी नगरपालिका १० मुलडाेलस्थित लेलेकाे जंगलमा फेला परेकाे प्रहरीले जानकारी दिएकाे छ ।

महानगरीय प्रहरी परिसर ललितपुरका एसएसपी टेकप्रसाद राईका अनुसार उनकाे शव जंगलमा फेला परेको हो । घटनाकाे बिषयमा अनुसन्धान भइरहेकाे उनले जानकारी दिएका छन्।

ललितपुरकाे भैंसेपाटी बस्दै आएकी गीता हराएपछि परिवारले प्रहरीमा उजुरी दिएका थिए । उनकाे शव हराएकाे ४ दिन पछि फेला परेकाे हाे ।  घटनाकाे अनुसन्धानका क्रममा प्रहरीले एक जना युवकलाइ पनि नियन्त्रणमा लिएकाे छ । नियन्त्रणमा लिएका युवक मृतककाे आफन्त भएकाे खुल्न आएको छ । शवलाइ पाेष्टमार्टमका लागि पाटन अस्पतालमा पठाइएकाे प्रहरीले जानकारी दिएकाे छ ।

• #शव फेला