दाङमा खुकुलो बनाएर निषेधाज्ञाको समय थपियो
प्रकाशित मिति : 6 September, 2020 3:45 pm
दाङ, २१ भदौ ।
दाङमा जारी लकडाउन थप गरिएको छ । जिल्लामा अझै कोरोना संक्रमणको जाखिम रहेको भन्दै केही खुकुलो बनाएर लकडाउन समयआवधि भदौ २८ गतेसम्म थप गरिएको हो ।
भदौ १४ गतेबाट जारी एकहप्ते लकडाउनको समय आज राती १२ बजे सकिदै थियो । अब थप गरिएको लकडाउनको समयमा विहान ६ बजेदेखि १२ बजेसम्म सम्पूर्ण पसल खोल्न पाइने छ ।
साथै निजी सवारी साधन जोर विजोर प्रणाली अनुसार संचालन गर्न पाइने निर्णय भएको प्रमुख जिल्ला अधिकारी गोविन्द प्रसाद रिजालले जानकारी गराएका छन् ।
सार्वजनिक सवारी सधान भने सञ्चालन गर्न पाइने छैन । बैंकहरु बिहान १० बजेदेखि १२ बजेसम्म खुल्ला गर्न पाइने छ ।
