क्याप्टेन विजय लामा सहित २ पाइलटलाई कोरोना संक्रमण पुष्टि
प्रकाशित मिति : 14 September, 2020 2:22 pm
काठमाडौं, २९ भदौ ।
नेपाल वायु सेवा निगमका बरिष्ठ पाइलट क्याप्टेन विजय लामालाई कोरोना भाइरस कोभिड १९ संक्रमण पुष्टि भएको छ । उनीसहित २ जना पाइलटमा पनि कोरोना संक्रमण पुष्टि भएको छ ।
आइतबार स्टार अस्पतालमा स्वाब परीक्षण गराएका पाइलटको सोमबार बिहान रिपोर्ट पोजेटिभ आएको अस्पतालले जनाएको छ ।
अन्तराष्टिय उडान सुरु भएसँगै नेपाल वायुसेवा निगमको वाइडबडीमार्फत ३ दिन अघि शान्ति सेनामा खटिएका नेपाली सेनाको टोलीलाई दक्षिण सुडान पुराएका थिए ।
क्याप्टेन लामा सहित अर्का क्याप्टेन पनि आइसोलेसनका लागि सोल्टी होटलमा छन् । यस अघि नेपाल वायु सेवा निगमका एक दर्जन उडान कर्मचारीमा कोरोना संक्रमण प’ष्टि भएको थियो ।
