नारायणगढ मुग्लिनमा सडक खण्डमा खसेको पहिरो सवारी साधन रोकेर पन्छाउने काम हुँदै
प्रकाशित मिति : 24 September, 2020 10:02 am
चितवन ८ असोज । विहिवार बिहानबाट एकतर्फी रुपमा खुलाइएको नारायणगढ मुग्लिन सडक खण्डमा दुवैतर्फी सवारीसाधनको आवागमन रोकेर पहिरो पन्छाउने काम भइरहेको छ ।
गएराती चारकिलो भन्ने स्थानमा लेदोसहित पहिरो खसेर अवरुद्ध बनेको सडक बिहान साढे २ घण्टा एकतर्फी खुलाइएको जिल्ला ट्राफिक कार्यालय चितवनले जनाएको छ ।
ट्राफिक कार्यालय अनुसार अप्ठ्यारोमा परेका केही सवारीसाधनलाई पास गरेर दुईतर्फी आवागमन बन्द गरेर बाटो खोल्ने काम सुरु गरिएको हो । एकैपटक दुईतर्फी सडक खुलाउन र काममा अवरोध नहोस् भनेर सडक बन्द गरेर काम गरिएको हो ।
