काठमाडौं महानगरमा ५०३ सहित उपत्यकामा थपिए ६४५ जना संक्रमित
प्रकाशित मिति : 25 September, 2020 5:06 pm
काठमाडौ,९ असोज ।
पछिल्लो २४ घण्टामा काठमाडौं महानगरमा ५ सय ३ जना सहित उपत्यकामा थप ६ सय ४५जना कोरोना भाइरस संक्रमित थपिएको स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले बताए ।
मन्त्रालयका अनुसार आइतबार काठमाडौंमा ५ सय ३, ललितपुरमा ९१ र भक्तपुरमा ५१ जनालाई कोरोना संक्रमण पुष्टि भएको हो ।
संक्रमित मध्ये काठमाडौंमा १८९ महिला र ३१४ पुरुष, भक्तपुरमा २० महिला र ३१ पुरुष, ललितपुरमा ४५ महिला र ४६ पुरुषमा कोरोना संक्रमण देखिएको मन्त्रालयका प्रवक्ता डा. गौतमले बताए । योसँगै उपत्यकामा कोरोना संक्रमितको कुल संख्या १९ हजार ६४९ पुगेको छ।
