बाँकेमा कोरोना संक्रमित २ पुरुषको मृत्यु
प्रकाशित मिति : 29 September, 2020 1:43 pm
काठमाडौं, १३ असोज । बाँकेमा कोरोना भाइरस संक्रमणबाट दुई जनाको मृत्यु भएको छ। बाँकेको नेपालगन्ज मेडिकल कलेजमा उपचाररत दुई पुरुषको मृत्यु भएको अस्पतालले जनाएको छ ।
मृत्यु हुनेमा दाङ घर भएका नेपालगन्ज मेडिकल कलेजमा कार्यरत स्वास्थ्यकर्मी ४१ वर्षीय पुरुष रहेका छन् भने अर्का कोहलपुर नगरपालिका १० का ५३ वर्षीय पुरुष रहेका छन् । ।
अस्पतालको भेन्टिलेटरमा उपचाररत उनिहरुको एकजनाको गएराति र एक जनाको बिहान ४ बजे मृत्यु भएको जिल्ला स्वास्थ्य कार्यालय बाँकेले जनाएको छ । दुवैजनालाई प्लाज्मा थेरापी र रेम्डिसिभिरबाट उपचार भइरहेको थियो ।
