बिहिबारदेखि दशै-तिहार सुपथ पसल सञ्चालनमा आउने
प्रकाशित मिति : 29 September, 2020 4:13 pm
काठमाडाैं, १३ असाेज ।
प्रत्येक वर्ष जस्तै याे वर्ष पनि दशै तिहारलाई मध्य नजर गरी सुपथ मुल्य पसल सञ्चालनमा आउने भएकाे छ ।
सरकारकाे स्वामित्व रहेकाे खाद्य व्यवस्था तथा व्यापार कम्पनी लिमिटेड र साल्ट ट्रेडिङ कर्पाेरेशनले अगामी असाेज १५ गतेदेखि मङ्सिर ७ गतेसम्म उपत्यका सहित देशका विभिन्न स्थानमा सुपथ मुल्यका पसल सञ्चालन गर्ने भएका छन् ।
उधाेग, वाणिज्य तथा आपुर्ति मन्त्रालयमा भएकाे छलफलबाट खाद्य र साल्ट बीच एक आपस सहकार्य गर्दै असाेज१५ गतेदेखि देशभरका ५७ स्थानबाट सुपथ मूल्यका पसल सञ्चालन गर्ने निर्णय भएकाे खाद्य तथा व्यापार कम्पनी लिमिटेडका प्रबन्ध निर्देशक श्रीमणी खनालले जानकारी दिएका छन् ।
