मुख्य सचिवमा बैरागी नियुक्त,अमेरिका र बेलायतको राजदुतमा खतिवडा र रेग्मी सिफारिस
प्रकाशित मिति : 1 October, 2020 12:58 pm
काठमाडौं,१५ असोज ।
नेपाल सरकारको मुख्य सचिवमा शंकरदाश बैरागी नियुक्त भएका छन् ।
बिहीबार बालुवाटारमा बसेको मन्त्रिपरिषदको बैठकले बैरागीलाई मुख्य सचिवमा नियुक्त गर्ने निर्णय गरेको बालुवाटार स्रोतले बताएको छ ।
मुख्य सचिव लोकदर्शन रेग्मीले राजिनामा दिएपछि सरकारले बैरागीलाई नियुक्त गरेको हो । मुख्य सचिव रेग्मीको कात्तिक ३ गतेबाट कार्यकाल सकिँदै थियो ।
त्यस्तै आजको मन्त्रिपरिषद् बैठकले यसअघि मुख्य सचिव रहेका रेग्मीलाई सरकारले बेलायतको राजदूत सिफारिस गरेको छ भने युवराज खतिवडालाई अमेरिकाका लागि राजदूत सिफारिस भएको एक मन्त्रीले जानकारी दिए ।
