आफ्ना समर्थकलाई ट्रम्पको ‘सरप्राईज भिजिट’
ऐजेन्सी, १९ असोज
कोरोना (कोभिड-१९) को संक्रमणपछि उपचाररत् अमेरिकी राष्ट्रपति डोनाल्ड ट्रम्पले आश्चर्यजनक रुपमा अस्पतालबाट बाहिर आएर समर्थकहरुलाई भेट गरेको छन् ।
अस्पतामा भेला भएका शुभेच्छुक र समर्थकहरुलाई ट्वीटरमार्फत भेट गर्ने सार्वजनिक गरे लगत्तै राष्ट्रपति ट्रम्प मोटरकेडमा मास्क लगाएर गुडिरहेकै अवस्थामा अभिवादन गर्दै धन्यवाद दिएका हुन्।
राष्ट्रपति ट्रम्पको उपचारमा संलग्न चिकित्सकहरुले राष्ट्रपति ट्रम्पको स्वास्थ्यमा निरन्तर प्रगति भएको र सोमबार अस्पतालबाट डिस्चार्ज गर्ने बताएका छन् । उपचार थालिएपछि राष्ट्रपति ट्रम्पको शरीरमा अक्सिजनको मात्रा दुई पटक तल झरेको र उनले डेक्सामिथासोन नामक स्टेरोइड औषधि लिन थालेको जनाइएको छ ।
राष्ट्रपति ट्रम्पलाई कोरोना पोजेटिभ देखिए लगत्तैदेखि थप अक्सिजन दिन थालिएको चिकित्सकहरुले बताएका छन् । ट्रम्प अहिले राम्रै अवस्थामा देखिएपनि खतरामुक्त भने भइनसकेको उपचारम संलग्न चिकित्सकहरुले बताएका छन् ।
