सुनको मुल्य प्रतितोला ४ सयले घट्यो
प्रकाशित मिति : 5 October, 2020 12:48 pm
काठमाडौं,१९ असोज । नेपाली बजारमा कारोबारको दोस्रो र सुनको मुल्य प्रतितोला ४ सयले घटेको छ ।
सोमबार आज छापावाला सुनको मुल्य प्रतितोला ४ सयले घटेर ९४ हजार १ सय रुपैयाँ र तेजाबी सुन प्रतितोला ९३ हजार ६ सय रुपैयाँमा कारोबार भएको नेपाल सुनचाँदी महासंघले जनाएको छ ।
आइतबार छापावाला सुनको प्रतितोला ९४ हजार ५०० रुपैयाँ र तेजाबी सुन प्रतितोला ९४ हजार रुपैयाँमा कारोबार भएको थियो।
त्यस्तै आइतबार चाँदीको मुल्य ५ रुपैयाँले बढेर प्रतितोला १ हजार १ सय ८० मा कारोबार भइरहेका थियो भने आज चाँदीको मुल्य स्थिर रहेको महासंघले जनाएको छ ।
अन्तर्राष्ट्रिय बजारमा सुनको मुल्यमा आइरहेको उतारचढावको प्रत्यक्ष असर नेपालमा परेको व्यवसायीहरुले बताएका छन् ।
