प्रदेश ५ को नाम लुम्बिनी,स्थायी राजधानी राप्ती उपत्यका
प्रकाशित मिति : 6 October, 2020 4:20 pm
रुपन्देही, २० असोज ।
प्रदेश ५ सभाले प्रदेशको नाम र स्थायी राजधानी टुंगाएको छ । आज बसेको प्रदेश सभाको बैठकले नाम र स्थायी राजधानी टुंगो लगाएको हो । प्रदेश ५ ले ३१ महिना २९ दिनपछि नाम र राजधानी दुईतिहाई बहुमतले टुंगो लगाएको छ ।
आज भएको मतदान हुँदा प्रस्तावित स्थायी राजधानी रहने राप्ती उपत्यकामा उपस्थित ८२ सदस्य मध्य ६९ जनाले पक्षमा र १३ जनाले विपक्षमा मतदान गरेका थिए । लुम्बिनी नाममा उपस्थित ८३ सदस्य मध्य ७९ जनाले पक्षमा र ४ जनाले विपक्षमा मतदान गरेका थिए ।
