काठमाडाैं उपत्यकाका सबै सरकारी अस्पताललाई कोभिड अस्पताल बनाईने
काठमाडौं, २६ असाेज ।
काठमाडौं उपत्यकाका सम्पूर्ण सरकारी अस्पताललाई काेराेना अस्पतालमा रूपमा परिणत गरिने भएको छ। स्वास्थ्य तथा जनसङ्ख्या मन्त्रालयले उपत्यकामा काेराेना संक्रमितकाे संख्या बढ्दै गएपछि सबै सरकारी अस्पताललाई कोभिड अस्पतालमा रूपान्तरण गर्ने निर्णय गरेको हाे ।
अहिलेकाे अवस्थामा आकस्मिकबाहेकका अपरेशन नगर्न निर्देशन दिँदै सरकारले सबै सरकारी अस्पताललाई कोभिड अस्पतालका रूपमा रूपान्तरण गर्ने निर्णय गरिएको स्वास्थय तथा जनसंख्या मन्त्रालयका प्रवक्ता डा. जागेश्वर गौतमले जानकारी दिएका छन्।
काेराेना संक्रमण बाहेक आकस्मिक बिरामी अपरेशन नगर्दा सङ्क्रमित बिरामीलाई आइसियु बेड र भेन्टिलेटर बेड उपलब्ध हुने गरी व्यवस्थापन गर्न सकिने उनको भनाइ रहेकाे छ । कोभिड अस्पतालका रूपमा सेवा दिने सरकारी अस्पतालमा स्वास्थ्य सेवा विभागले आइसियु, भेन्टिलेटर र अक्सिजनलगायतका सामग्रीको छिट्टैनै व्यवस्थापन गर्न निर्देशन दिएको उनको भनाइ छ।
कोरोना सङ्क्रमितको सङ्ख्या बढ्दै गएपछि काठमाडौंमा जोखिम बढ्दै गएको छ। संक्रममितहरुकाे स.खया दिनानुदिन बढ्दै गएपछि उपत्यकामा आइसोलेसन बेडको समेत अभाव हुन थालेको छ। अहिलेकै हिसाबमा सङ्क्रमित सङ्ख्या बढिरहे काठमाडौं उपत्यकाको अस्पतालले उपचार धान्न नसक्ने जानकारी मन्त्रालयले दिएकाे छ ।
