सार्वजनिक खरिद ऐन अध्यादेश मार्फत संसोधन गर्न संसदीय समितिको सुझाव
काठमाडौं, २६ असोज ।
संघीय संसदको शिक्षा तथा स्वास्थ्य समितिले स्वास्थ्य सामाग्रीहरुको खरिद गर्न विद्यमान सार्वजनिक खरिद ऐन बाधक भएको भन्दै अध्यादेश मार्फत संसोधन गर्न सुझाव दिएको छ ।
आज अनलाईन मार्फत बसेको समिति बैठकलले महामारी संकटका बेला स्वास्थ्य सामाग्री खरिदका लागि सार्वजनिक खरिद ऐन बाधक बनेको निष्कर्षसहित तत्काल संसोधन गर्न सुझाव दिएको हो ।
समितिले सरकारलाई कोभिड९१९ को उपचार, रोकथाम तथा नियन्त्रण गर्न आवश्यक भेन्टिलेटर, आइ सी यू र अक्सिजन लगायत सामाग्रीको उचित व्यवस्थापन, सर्वसाधारण र पार्टीका कार्यकर्ताहरुले स्वास्थ्य मापदण्डको पूर्ण रुपमा पालना गर्न भनेको छ ।
साथै बैठकले आवश्यकता अनुसार चिकित्सक लगायत स्वास्थ्यकर्मीहरुको परिचालन गर्न सुझाव दिएको छ । समिति सभापति जयपुरी घर्तीले उच्च मनोबलका साथ सजकता अपनाउँदै आ-आफ्नो काम कार्यमा लाग्न अनुरोध समेत गरेकी छन् ।
