पछिल्लो २४ घण्टामा थप ३११४ जनामा संक्रमण पृष्टि
प्रकाशित मिति : 3 November, 2020 6:21 pm
काठमाडौं, १८ कार्तिक ।
नेपालमा पछिल्लो २४ घण्टामा ३ हजार १ सय १४ जनामा कोरोनाभाइरसको संक्रमण पुष्टि भएको स्वास्थ तथा जनसंख्या मन्त्रालयले जानकारी दिएको छ ।
देशभर ११ हजार १ सय ६६ जनाको पीसीआर परीक्षणमा थप १ हजार २ सय ४७ जना महिला र १ हजार ८६७ जना पुरुषलाई संक्रमण पुष्टि भएको हो ।
योसँगै नेपालमा कूल संक्रमितको संख्या १ लाख ७८ हजार ६१४ पुगेको छ
पछिल्लो २४ घण्टामा थप २० जनाको मृत्यु भएको छ । योसँगै नेपाल कोभिड–१९ बाट मृत्यु हुनेको संख्या १ हजार ४ पुगेको छ ।
