शुक्रबार सुनको मुल्य १ हजारले बढ्यो
प्रकाशित मिति : 6 November, 2020 1:15 pm
काठमाडौं, २१ कात्तिक ।
साताको कारोबारको अन्तिम दिन आज सुनको मुल्य बढेको छ । नेपाली बजारमा शुक्रबार छापावाला सुनको मुल्य प्रतितोला १ हजारले बढेर ९७ हजार २ सय रुपैयाँ र तेजाबी सुन प्रतितोला ९६ हजार ७ सय रुपैयाँमा कारोबार भइरहेको नेपाल सुनचाँदी महासंघले जनाएको छ ।
बिहीबार छापावाला सुन प्रतितोला १ सय रुपैयाँले बढेर प्रतितोला ९६ हजार २ सय रुपैयाँ र तेजाबी सुन प्रतितोला ९५ हजार ७ सय रुपैयाँमा कारोबार भइरहेको थियो ।
त्यस्तै बिहीबार ५ रुपैयाँले बढेर १ हजार २ सय १० रुपैयाँमा कारोबार भइरहेको चाँदीको मुल्य आज ४५ रुपैयाँले बढेर १ हजार २ सय ५५ रुपैयाँमा कारोबार भइरहेको महासंघले बताएको छ ।
