दाङ देउखुरीमा ट्रकले मोटरसाईकललाई ठक्कर दिँदा तीन जनाको मृत्यु

दाङ,२६ कार्तिक ।

दाङ देउखुरीको राप्ती गाउँपालिका वडा नं. ४ मौरीघाटमा ट्रकले मोटरसाईकललाई ठक्कर दिँदा तीन जनाको मृत्यु भएको छ ।

ना ६ ख ३३४४ नम्बरको ट्रकले विपरीत दिशाबाट आइरहेको रा ५ प ६७४४ नम्बरको मोटरसाइकललाई गएराति ८ बजेतिर ठक्कर दिँदा मोटरसाइकलमा रहेका तीन जनाको घटनास्थलमै मृत्यु भएको दाङ प्रहरीले जनाएको छ ।

मृत्यु हुनेमा राप्ती गाउँपालिका–५ का १६ वर्षीय मनोज गाहा, राप्ती गाउँपालिका–२ का १८ वर्षीय कसम पुन र राप्ती गाउँपालिका–८ पिपरीका १८ वर्षीय दिनेश घर्ती रहेका छन् । उनीहरुको शवलाई लमही अस्पतालमा राखिएको छ ।

जिल्ला प्रहरी प्रमुख एसपी गणेश चन्दका अनुसार मोटरसाइकल १६ वर्षीय मनोजले गाहाले चलाएका थिए। चन्दले उनीसँग सवारी चालक लाईसेन्स पनि बताएका छन् ।