लगातार ओरालो लागेको सुनको मूल्यमा सामान्य वृद्धि
प्रकाशित मिति : 12 January, 2021 1:09 pm
काठमाडौं । लगातार ओरालो लागेको सुनको मूल्यमा आज भने सामान्य वृद्धि भएको छ ।
प्रतितोला रु ९२ हजार २०० मा सोमबार कारोवार भएको छापावाला सुन आज भने तोलामा ६ सय रुपैयाँले वृद्धि भएर ९२,८०० रुपैयाँ पुगेको छ ।
यस्तै तेजाबी सुन प्रतितोला ९२,३०० मा कारोबार हुने गरी मूल्य निर्धारण भएको छ । तोलामा ९१, ७०० मा तेजाबी सुन सोमबार कारोबार भएको थियो ।
यस्तै चाँदीमा आज तोलामा २० रुपैयाँले वृद्धि भएको छ । १,२३० मा सोमबार कारोबार भएको चाँदी आज १,२५० मूल्य निर्धारण भएको नेपाल सुनचाँदी व्यवसायी महासङ्घले जनाएको छ ।
