जमैकाकी टोनी एन्नालाई ‘मिस वर्ल्ड-२०१९’ को उपाधि
प्रकाशित मिति : 15 December, 2019 10:49 am
काठमाडौं, २९ मंसिर । जमैकाकी सुन्दरी टोनी एन्ना सिंहले ‘मिस वर्ल्ड-२०१९’ को उपाधि जितेकी छन्।
बेलायतमा सम्पन्न सुन्दरी प्रतियोगिताको ६९औं संस्करणको उपाधि १ सय ११ देशका सुन्दरीहरुलाई पछि पार्दै जमैकाककी सुन्दरीले जितेकी हुन्।
‘मिस वर्ल्ड’ घोषित २३ वर्षीया सिंहलाई क्रिकेट र क्रिस गेलबारे प्रश्न सोधिएको थियो।
प्रतियोगितामा फ्रान्सकी सुन्दरी मिस वर्ल्डको फाइनलमा फस्ट रनरअप र भारतकी सुन्दरी सेकेन्ड रनरअप बनेका छन्।
नेपाली सुन्दरी अनुष्का श्रेष्ठ उत्कृष्ट १२ मा पुग्न सफल भइन्।
