बझाङमा खुँडा प्रहार गरि युवकको हत्या

बझाङ ।

सरकारी बाईकमा आएर बझाङमा खुँडा प्रहार गरि युवकको हत्या गरिएको छ

छबिसपाथिभेरा गाउँपालिका वडा नम्बर ३ का अमृत सिंहको खुँडा प्रहार गरि हत्या भएकाे हाे । घटनामा वडाध्यक्ष विकास ऐडिको सरकारी बाईक प्रयोग गरेको जिल्ला प्रहरी कार्यालय बझाङका प्रमुख तथा प्रहरी नायव उपरिक्षक रुपक खड्काले बताए।

गाउँपालिकाको वडा नम्बर ३ मै रहेको बन्नीचौर माध्यामिक विद्यालयको व्यवस्थापन समितिको चुनाव सकेर घर फर्किने क्रममा भएको विवाद पछि खुँडा प्रहार गर्दा सिंहको ज्यान गएको उनले बताए।

खुँडा प्रहार गर्ने मध्येका एक जना सोही गाउँपलिका वडा नम्बर २ का ज्ञानबहादुर कडायत पक्राउ परेका छन् । खुँडा प्रहार गर्ने मध्येका अर्का युवक प्रकाश ऐडि भने फरार रहेकाले उनको खोजी कार्य भइरहेको बताइएको छ।

हत्यामा प्रयोग गरिएको खुँडा बरामद गरी शव जिल्ला अस्पताल सिमखेतमा राखिएको छ ।