अमेरिकी अर्थतन्त्र ७४ वर्ष यताकै सर्वाधिक कमजोर अवस्थामा
काठमाडौ । अमेरिकी अर्थतन्त्र सन् २०२०मा विश्वयुद्ध दोस्रो यता सर्वाधिक खुम्चिएको अवस्थामा पुग्ने देखिएको छ ।
कोरोनाभाइरसले अमेरिकाको रेस्टरन्ट, वायुसेवा जस्ता सेवा क्षेत्रलाई ध्वस्त पारेकाले करोडौ अमेरिकी कामदारले रोजगार गुमाएका छन भने करोडौंलाई गरिब बनाएको छ ।
सरकारले ३० खर्ब अमेरिकी डलर जति उद्धार रकम कोरोनाभाइरस संक्रमणले कमजोर बन्न पुगेको अर्थतन्त्रलाई जोगाउन राहत प्याकेज ल्याइसकेको छ ।
तर पनि अमेरिकाको वाणिज्य विभागले वैश्विक महामारीले अर्थतन्त्रको घाटा प्रवृतिमा सुधार सुस्त देखिएको जनाएको छ । बुधबार अमेरिकी केन्द्रीय बैैक फेडरल रिजर्भले ब्याज बेन्चमार्क शुन्य नजिक नै राख्यो र अर्थतन्त्रमा धन खन्याउने कामको निरन्तरता दिने प्रतिवद्धता व्यक्त गर्यो ।
बैंकले ऋणपत्र खरिदको बाटो अपनाएर बैंकले बजारमा रकम प्रवाहित गराई अर्थतन्त्रका गतिविधिमा सुधार ल्याउने प्रयास गर्ने जनायो ।
अमेरिकी राष्टपति जो बाइडनले १९ खर्ब अमेरिकी डलर बराबरको सुधार योजना सार्वजनिक गरेका छन ।
अर्थशास्त्रीहरुले सन् २०२०मा अर्थतन्त्र ३.६ प्रतिशतले खुम्चिएर जाने अनुमान गरेका छन । यो सन् १९४६ यताकै सबै भन्दा खराब अवस्था भएको रोयटर्सको समाचारमा जनाइएको छ ।
कोरोनाभाइरसले खरानी भएको सेवा क्षेत्रमा सुधार अंग्रेजी वर्णमाला के आकारमा हुने देखिएको छ । यसमा कम भुक्तानी पाउने कामदारहरु रोजगार गुमाउनेमा पर्छन भने धेरै भुक्तानी पाउनेहरुमा राम्रो काम गर्छन भन्ने खालको सुधार हो ।
