कृषि वन विज्ञानका सहायक डीन ओझाको निधन
प्रकाशित मिति : 5 February, 2021 12:43 pm
चितवन , २३ माघ ।
कृषि तथा वन विज्ञान विश्वविद्यालय रामपुर कृषि सङ्कायका सहायक डीन विष्णुराज ओझाको निधन भएको छ ।
ओझाको उपचारका क्रममा आज बिहान पौने ४ बजे चितवन मेडिकल कलेजमा निधन हो।
ज्वरोका कारण गत पुस ११ गते अस्पतालमा भर्ना भएका ओझालाई कोरोना सङ्क्रमण पुष्टि भएको थियो । कोरोना सङ्क्रमण निको भइसकेपछि फोक्सोमा समस्या देखिएको ओझाको उपचारका क्रममा निधन भएको हो ।
वि.सं. २०१९ फागुन १८ गते लमजुङको दुराडाँडामा जन्मिएका ओझाले २०४८ सालमा सहायक प्राध्यापकको रुपमा कृषि क्याम्पस पक्लिहवाबाट सेवा प्रारम्भ गरेका थिए ।
सहायक डीन ओझाका एक श्रीमती, एक छोरा र एक छोरी छन् । उनको अन्तिम संस्कार आज देवघाटमा गरिएको छ ।
