२०० रुपैयाँले बढ्याे सुन
प्रकाशित मिति : 16 February, 2021 1:17 pm
काठमाडाैं । नेपाली बजारमा मंगलबार सुनको मूल्यमा सामान्य वृद्धि भएको छ । नेपाल सुनचाँदी व्यवसायी महासंघका अनुसार सोमबार तोलामा ९० हजार ७०० रुपैयाँमा कारोबार भएको छापावाल सुनको मूल्य मंगलबार तोलामा रु २ सयले बढेर ९० हजार ९०० रुपैयाँमा कारोबार मूल्य ताेकिएकाे छ ।
त्यस्तै तेजावी सुन तोलाकाे ९० हजार ४०० रुपैयाँमा कारोबार भएको छ ।
सोमबार तोलामा १३४० रुपैयाँमा कारोबार भएको चाँदी मंगलबार २० रुपैयाँले बढेर तोलामा १३६० रुपैयाँमा कारोबार भएको महासंघले जनाएको छ ।
