बंगलादेशमा तेस्रोलिङ्गीद्वारा पहिलोपटक टेलिभिजनमा समाचार वाचन
काठमाडौं । बंगलादेशमा तेस्रोलिङ्गीले टेलिभिजनमा समाचार वाचन गरेकी छन् ।
बंगलादेशको बोइशाखी टेलिभिजनले पहिलो तेस्रोलिङ्गी समाचार वाचकमार्फत समाचार प्रसारण गरेको छ । तशनुवा अनान शिशिर नामकी तेस्रोलिङ्गीले तीन मिनेटको समाचार पढेकी छिन् ।
१५ लाख तेस्रोलिङ्गी भएको अनुमान गरिएको बंगलादेशको सो टेलिभिजनमा समाचार पढेर सकेपछि आँखाका आँशु थाम्न सकिनन् ।
माग्ने वा यौनव्यापार वा अपराधकर्ममा जान बाध्य पार्ने गरिएको दक्षिणी एसियाली देश बंगलादेशमा तेस्रो लिङ्गीलाई समाचारबाचकको हैसियतसम्म पुगेको यो पहिलो घटना हो ।
यौन दुराचारीहरूबाट प्रताडित भएकी उनले चार पटक आत्महत्याको प्रयास गरेकी थिइन् । आत्महत्या गर्नबाट आफूलाई आफ्ना पिताले रोकेको २९ वर्षीया शिशिरले बताएकी छिन् । ढाका घर भएकी शिशिरले घर छोडेर नारायणगन्ज शहर पुगिन् । धेरै संघर्ष गरेर उनले स्वास्थ्यमा स्नातकोत्तर गर्ने पहिलो तेस्रोलिङ्गी बन्न पुगिन ।
तेस्रो लिङ्गी समूहको सम्मानका लागि सन् २०१३मा प्रधानमन्त्री शेख हसिनाको सरकारले कानुन बनाएको थियो । उनीहरूलाई तेस्रो लिङ्गी समूहको मतदाताको अधिकार दिइएको थियो ।
अन्तर्राष्ट्रिय महिला दिवसको रूपमा शिशिरको पहिलो समाचार प्रसारण भएको हो ।
टेलिभिजन कम्पनी बोइशाखीका प्रवक्ता जुल्फिकार अलि मानिकले रूढीवादी देशको दर्शकहरू माझ शिशिरलाई समाचार वाचन गर्न लगाउनु जोखिम लिनु भएपनि यो ऐतिहासिक दिन भएको बताए ।
शिशिरले आफू अन्य टेलिभिजनमा पनि गएको तर आफूलाई अवसर बोइशाखीले दिएको बताइन् ।
