बेलायती महारानी एलिजाबेथ द्वितीयाका पति अस्पतालबाट फर्किए
प्रकाशित मिति : 16 March, 2021 5:33 pm
काठमाडौ । बेलायती महारानी एलिजाबेथ द्वितीयाका पति प्रिन्स फिलिप लन्डनका एक अस्पतालमा उपचार गरी फर्केका छन् ।
९९ वर्षीय फिलिपलाई गत फेब्रुअरी १६मा किङ्ग एडवार्ड सातौं अस्पतालमा भर्ना गरिएको थियो ।
उनको मुटुमा संक्रमण भएकाले अस्पतालमा भर्ना गराइएको थियो । मुटुको विशिष्ट हेरचाहकालागि केही दिन त्यहाँबाट सेन्ट बार्थोलोमुमा राखिएको थियो ।
केही दिनको बसाइ पछि किङ्ग एडवार्ड सातौंमा फेरि फर्काइएको थियो ।
अस्पतालको ढोकामा फोटो पत्रकारहरू उभिए पनि यसविषयमा कुनै प्रतिक्रिया बकिंघम दरबारले जनाएको छैन् ।
उनलाई कोरोना लागेको भन्ने विश्वास गरिएको छैन् । राजदम्पत्तिले जनवरीमा कोभिड–१९को खोप लिएका थिए ।
