कर्णाली प्रदेशमा नेकपा एमालेले सरकारलाई दिएको समर्थन फिर्ता लियो
प्रकाशित मिति : 17 March, 2021 2:55 pm
सुर्खेत । कर्णाली प्रदेशमा नेकपा एमालेले प्रदेश सरकारलाई दिएको समर्थन फिर्ता लिएको छ ।
आज बसेको केपी ओली पक्षीय एमाले संसदीय दलको बैठकले प्रदेश सरकारलाई दिएको समर्थन फिर्ता लिने निर्णय गरेको हो । कर्णालीमा नेकपा (माओवादी केन्द्र) को नेतृत्वको सरकार रहेको छ ।
एमाले संसदीय दलका नेता यामलाल कँडेलले भोलीदेखि लागु हुने गरि सरकारलाई दिएको समर्थन फिर्ता लिएको जानकारी दिए । सरकारलाई दिएको समर्थन फिर्तासँगै आफ्ना तीन जना मन्त्रीलाई पनि फिर्ता बोलाएको छ ।
