एमालेको बालुवाटार संसदीयको बैठकमा कोही गए, कोही गएनन
काठमाडौ ।प्रधानमन्त्री केपी शर्मा ओलीले बालुवाटारमा बोलाएको संसदीय दलको बैठकमा पूर्व प्रधानमन्त्रीद्वय माधवकुमार नेपाल र झलनाथ खनालसमूहका कोही सांसद गएको कोही नगएको ती दलका नेताहरूले जनाएक छन् ।
ओली पार्टीका नेता महेश बस्नेतले सार्वजनिक गरेको धारणा अनुसार नेपाल खनाल समूहका दर्जन बढी सांसद बालुवाटार बैठकमा सहभागी भएका छन् ।
सो बैठकले संसदीय दलको बोर्ड गठन गरेको छ । बैठकले २७ सदस्यीय बोर्ड गठनको निर्णय गरेको हो । यसैगरी बैठकले संसदीय दलको विधान संशोधन सम्बन्धी प्रस्ताव गर्न कार्यदल समेत गठन गरेको छ । विधान संशोधन समितिमा विशाल भट्टराई ,शेरबहादुर तामाङ र विमला राई रहेका छन् ।
बैठकले पार्टीमा गुटगत भेला गरे कारबाही गर्ने र आत्मालोचना गरी आए सहभागी हुन आग्रह गर्ने निर्णय गरेको छ । सांसदहरुले नियम उल्लंघन गरे संसदीय बोर्डले बैठक गरी कारबाही गर्ने प्रावधान राखिएको छ ।
