मौसम पूर्वानुमानः चट्याङसहित वर्षाको सम्भावना
प्रकाशित मिति : 23 March, 2021 10:16 am
काठमाडाैं । मौसम पूर्वानुमान महाशाखाले आजको देशभरको मौसम पूर्वानुमान जारी गरेको छ । आज स्थानीय वायु र पश्चिमी वायुको प्रभाव रहेका कारण देशभरको मौसममा परिवर्तन रहन सक्ने सम्भावना रहेकाे महाशाखाले जानकारी दिएको छ ।
आज बिहानको मौसम सामान्य रहने पूर्वानुमानमा उल्लेख गरिएकाे छ । देशभरका पहाडी भूभागमा आंशिकदेखि सामान्य बदली भएको र बाँकी भूभागमा आंशिक बदली भइरहेको जानकारी रहेकाे छ ।
देशका पहाडी भूभागका केही स्थानहरुमा मेघगर्जन र चट्टयाङ्ग सहित हल्का वर्षाको सम्भावना रहेको छ । बाँकी भूभागमा पनि आंशिक बदली हुन सक्ने पूर्वानुमान गरिएको छ ।
