प्रावधान तोडेर मोदीले शेख मुजिबुर रहमानलाई गान्धी शान्ति पुरस्कार २०२० दिने निर्णय गरे
काठमाडौ ।गान्ध शान्ति पुरस्काार २०२० बंगलादेशका राष्ट्रपिता शेख मुजिबुर रहमानलाई दिइने निर्णय भएको भारतको संस्कृति मन्त्रालयले सोमबार जनाएको छ ।
यसैगरी सन् २०१९का लागि यो प्रतिष्ठित पुरस्कार ओमानका दिवंगत शासक सुल्तान काबूस बिन सइन अल सइदलाई दिइने भएको छ ।
ओमानका दिवंगत सुल्तानलाई भारतसँगको सम्बन्ध विस्तारका लागि उनले खेलेको भूमिकाको कदर स्वरूप यो पुरस्कार दिइने निर्णय गरिएको छ ।
साथै उनले खाडी क्षेत्रमा सुल्तान काबूले शान्ति र अहिंसा प्रवद्र्धनमा गरेको योगदानलाई सम्मान गर्दै यो पुरस्कार दिइएको भारतको सो मन्त्रालयले जनाएको छ ।
द वायरले जनाए अनुसार कुनै सरकारी स्रोतले गान्धी शान्ति पुरस्काार मृत्यु उपरान्त दिइने पुरस्कार होइन । तर ओमानका सुल्तान काबूस र बंगलादेशका राष्ट्रपित शेख बुजिबुर रहमान दुवै दिवंगत व्यक्तित्व हुन् ।
तर विशिष्ट अवस्थाका आधारमा यस्ता प्रावधानलाई बेवास्ता गरिएको हो ।
भारतका राष्ट्रपिता महात्मा गान्धीको १२५औं जन्मजयन्ती समारोहको अवसरमा सन् १९९५मा गान्धी शान्ति पुरस्कारको वर्सेनी दिइने घोषणाका साथ स्थापना गरिएको थियो ।
यो पुरस्कार जुनसुकै राष्ट्रियता, नश्ल, भाषा, जाति, उपजाति वा लिङ्गका व्यक्तिलाई दिइने पुरस्कार हो । गान्धी शान्ति पुरस्कारको निर्णायक मण्डलको अध्यक्ष प्रधानमन्त्री नरेन्द्र मोदीसहितको समितिबाट निर्णय गरिएको हो ।
प्रधानमन्त्रीका अतिरिक्त पूर्व प्रधानन्यायाधीश र लोकसभाकाो एक्लो ठूलो प्रतिपक्षी दलको नेता यो समितिमा सदस्य हुन्छन् ।
यसै गरी यो समितिमा लोकसाका सभामुख ओम बिरला र सुलभ इन्टरनेशनल सामाजिक सेवा संगठनका संस्थापक बिन्देश्वर पाठक सदस्य रहेका छन् ।
यो निर्णायक मण्डलले १९ मार्च २०२१मा यो निर्णय गरेको थियो । यो समितिले सर्वसम्मत निर्णय गरी बंगलादेशका राष्ट्रपित रहमान र ओमानका लामो समय शासन गरेका सुल्तान काबूसलाई गान्धी शान्ति पुरस्कार दिइने निर्णय गरिएको औपचारिक विज्ञप्तिमा उल्लेख गरिएको छ ।
