यसकारण ढिलाई हुने भयो ज्योतिलाइफको आइपीओ नतिजा वेवसाइटमा हेर्न
प्रकाशित मिति : 26 March, 2021 3:16 pm
काठमाडौं । ज्योति लाईफ इन्स्योरेन्सको आइपीओ बाँडफाँड सकिएपछि नतिजा भने अहिले सम्म हेर्न मिलेको छैन ।
आइपीओ बाँडफाँड भएपछि पनि डाटा अपलोड गर्न समय लाग्ने भएको हुनाले नतिजा हेर्न केहि समय लाग्ने बिक्री प्रबन्धक एनएमबी क्यापिटलले जनाएको छ ।
एनएमबी क्यापिटलका कर्मचारी दिपिका लाखीका अनुसार अहिले डाटा अपलोड गर्ने काम भइरहेको र केही समय लाग्ने हुनाले बेलुकासम्म नतिजा हेर्न सकिनेछ ।
आइपीओ बाँडफाँडको काम दिउँसै सकिएता पनि सर्भरमा डाटा अपलोड गर्न ७/८ घण्टा लाग्ने हुनाले नतिजा हेर्न बेलुका सम्म कुर्नु पर्ने लाखीले बताइन् ।
