बागमती प्रदेशका मुख्यमन्त्री पौडेलविरुद्धको अविश्वास प्रस्ताव फिर्ता
प्रकाशित मिति : 31 March, 2021 10:20 am
काठमाडौं । नेकपा (एमाले)को झलनाथ खनाल र माधव नेपाल पक्षका प्रदेश सांसदहरूले बागमती प्रदेशका मुख्यमन्त्री डोरमणि पौडेलविरुद्धको अविश्वास प्रस्ताव फिर्ता लिएका छन् ।
पार्टीभित्र आन्तरिक किचलो भइरहेपनि खनाल–नेपाल पक्षका सांसदहरुले अविश्वासको प्रस्ताव फिर्ता लिएका हुन् ।
एमाले स्थायी कमिटी सदस्य अष्टलक्ष्मी शाक्यले अविश्वासको प्रस्ताव फिर्ता लिएको जानकारी गराएकी छन् ।
गत पुस १० गते नेकपा माओवादी केन्द्र र खनाल–नेपाल पक्षले मुख्यमन्त्री पौडेलविरुद्ध अविश्वास प्रस्ताव दर्ता गराएका थिए ।
प्रस्ताव गत माघ ९ गते प्रदेशसभामा पेश भएको थियो । प्रदेश १ का मुख्यमन्त्री शेरधन राईविरुद्ध दर्ता गराइएको अविश्वास प्रस्ताव पनि हिजो फिर्ता भएको छ । यससँगै नेकपा एमालेका अध्यक्ष केपी शर्मा ओली निकट दुईवटा प्रदेशका मुख्यमन्त्री सुरक्षित भएका छन् ।