जाजरकोटमा यातायात व्यवसायीको समुहबीच झडप हुँदा एक जनाको मृत्यु

काठमाण्डौं ।  जाजरकोटमा यातायात व्यवसायीबीच झडप हुँदा एक जनाको मृत्यु भएको छ । जिल्लाको बारेकोट गाउँपालिका २ लिम्सामा यातायात व्यवसायीको दुई समुहबीच झजप हुँदा ३५ वर्षीय नरेश रावलको मृत्यु भएको प्रमुख जिल्ला अधिकारी प्रेमप्रसाद देवकोटाले जानकारी दिए ।

बिहीबार दिउँसो डोल्पा जाजरकोट यातायात व्यवसायीका दुई समुहबीच विवाद चर्किएपछि झडप भएको थियो । झडप पश्चात नलगाड नगरपालिका ४ निवासी रावल हराएका थिए । हराएका रावल आज शुक्रबार दिउँसो मृत अवस्थामा फेला परेको देवकोटाले बताए ।

मृतक रावलकोे शव बारेकोटकै देउलस्थित खोलामा शुक्रबार दिउँसो फेला परेको जाजरकोट प्रहरीले जनाएको छ । झडपमा अन्य २ जना घाइते भएका छन् भने घटनामा संलग्न रहेको आरोपमा ६ जनालाई पक्राउ गरेको प्रहरीले जनाएको छ।

• #जाजरकोट