प्रधानमन्त्रीका सल्लाहकारको टिप्पणीः नेपाल नेतृत्वको बागी समूह अँध्यारो सुरूङमा पसेको छ
काठमाडौं । प्रधानमन्त्री केपी शर्मा ओलीका प्रेस सल्लाहकार सूर्य थापाले माधव कुमार नेपाल नेतृत्वको समूह अँध्यारो सुरूङमा फसेको टिप्पणी गरेका छन् ।
नेपाल समूहले देशव्यापि अभियान घोषणा गर्न लागेका बेला थापाले नेपाल पक्षलाई बागी भन्दै अँध्यारो सुरूङमा फसेको टिप्पणी गरेका हुन् ।
उनले भनेका छन्,“माधवकुमार नेपाल नेतृत्वको बागी समूह अँध्यारो सुरूङमा पसेको छ, जसको बाहिर निस्कने अगाडि ठाउँ नै छैन, पछि फर्किन त झनै मिल्दैन ।”
उनले साथमा पार्टी, चुनाव चिन्ह केही नभएको भन्दै सर्वानाशको बाटो त्यागी नेपाल पक्ष संयमित हुन जरुरी रहेको बताएका छन् ।
उनले भनेका छन्,“साथमा न पार्टी,न चुनाव चिन्ह,न त राजनीति नै छ, गुट, समानान्तर रवैया र आत्मनिन्दाको सर्वनाशको बाटो त्यागी संयमित हुन जरूरी छ। नभए विजोग होला है !”
माधवकुमार नेपाल नेतृत्वको वागी समूह अँध्यारो सुरूङमा पसेकाे छ, जसकाे बाहिर निस्कने अगाडि ठाउँ नै छैन, पछि फर्किन त झनै मिल्दैन!
साथमा न पार्टी,न चुनाव चिन्ह,न त राजनीति नै छ, गुट, समानान्तर रवैया र आत्मनिन्दाकाे सर्वनाशकाे बाटाे त्यागी संयमित हुन जरूरी छ। नभए विजाेग हाेला है !— Surya Thapa (@ThapajiSurya) April 3, 2021
नेकपा एमालेभित्र वरिष्ठ नेता नेपालसहित ४ नेतालाई निलम्बन गरिएपछि समानान्तर संगठनको अभ्यास सुरु भएको छ । नेपालले आजै अभियानको समेत घोषणा गर्दैछ ।
