कोरोना संक्रमित भएपछि ऊर्जा मन्त्री अस्पताल भर्ना
प्रकाशित मिति : 27 April, 2021 1:44 pm
काठमाडौ । ऊर्जा मन्त्री रायमाझी कोरोना संक्रमित भएका छन् ।
संक्रमित भएपछि उनलाई सैनिक अस्पतालमा भर्ना गरिएको छ ।
हिजो सोमबार पिसिआर परीक्षण गरिएको थियो ।
सो पिसिआर परीक्षणमा मन्त्री रायमाझीसहित उनको परिवारका केही सदस्यलाई कोरोना संक्रमण भएको देखिएको हो ।
संक्रमण पुष्टि भएपछि मन्त्री रायमाझीलाई छाउनीस्थित वीरेन्द्र सैनिक अस्पतालमा भर्ना गरियो ।
निकट स्रोतका अनुसार उनको स्वास्थ्य अवस्था सामान्य छ ।
